തൃശൂര്‍: തിരുവനന്തപുരം ഡിവിഷനിലെ ഏറ്റവും മികച്ച റെയില്‍വേ റിസര്‍വേഷന്‍ കേന്ദ്രത്തിനുള്ള 2015-16 സാമ്പത്തിക വര്‍ഷത്തെ പുരസ്‌കാരത്തിന് തൃശൂര്‍ റിസര്‍വേഷന്‍ കേന്ദ്രത്തെ തെരഞ്ഞെടുത്തു. തിരുവനന്തപുരത്തു നടന്ന ചടങ്ങില്‍ ദക്ഷിണ റെയില്‍വേ ചീഫ് കമേഴ്‌സ്യല്‍ മാനേജര്‍ അജിത് സക്‌സേനയില്‍ നിന്നും തൃശൂരിലെ ചീഫ് റിസര്‍വേഷന്‍ സൂപ്പര്‍വൈസര്‍ റോസമ്മ ജോസഫ് പുരസ്‌കാരം ഏറ്റുവാങ്ങി. റോസമ്മയുടെ നേതൃത്വത്തില്‍ സി.എ. റോബര്‍ട്ട്, വി.കെ.സുനില്‍, ഇ.കെ. സുരേഷ് ബാബു, കെ.ജി. സതീശന്‍, സുനില്‍മേനോന്‍, എം.ജി. ഉണ്ണികൃഷ്ണന്‍, കെ.ഉണ്ണികൃഷ്ണന്‍, എ.പ്രസാദ്,കെ.ടി.മത്തായി,മെറീന റാബേല്‍, പി. മോഹന്‍ദാസ് എന്നീ ജീവനക്കരാണ് സേവനമനുഷ്ഠിക്കുന്നത്. പൊതുജനസൗഹൃദപരമായ നൂതനാശയങ്ങളും രീതികളും നിരന്തരം നടപ്പാക്കുന്നതാണ് തൃശൂരിനെ ഈ പുരസ്‌കാരത്തിന് അര്‍ഹമാക്കിയത്.