പുതുക്കാട്: തൃശൂര്‍ അതിരൂപത കെ.സി.ബി.സി മദ്യ വിരുദ്ധ സമിതിയുടെ നേതൃത്വത്തില്‍ വനിതാ സംഗമം നടത്തുന്നു. ഞായറാഴ്ച ഉച്ചക്ക് 2 ന് മണ്ണംപേട്ട ഹൈസ്‌കൂള്‍ ഹാളില്‍ നടക്കുന്ന സംഗമം മദ്യ നിരോധന മഹിളാ വേദി സംസ്ഥാന പ്രസിഡന്റ് അഡ്വ. സുജാത വര്‍മ്മ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. സമിതി അതിരൂപത വൈസ് പ്രസിഡന്റ് പ്രൊഫ. അന്നം ജോണ്‍ അധ്യക്ഷയും സി.സെബി റോസ് മുഖ്യ പ്രഭാഷണവും നടത്തും. ആന്റണി പന്തല്ലൂക്കാരന്‍, പ്രൊഫ. അന്നം ജോണ്‍, പി.പി ഡേവിസ്, റോസിലി റപ്പായി എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.