ഹരിപ്പാട് : എസ്.എന്‍.ഡി.പി.യോഗം ചേപ്പാട് യൂണിയന്റെ നേതൃത്വത്തില്‍ ആരംഭിക്കുന്ന വെള്ളാപ്പള്ളി നടേശന്‍ ഭവന നിര്‍മ്മാണ പദ്ധതി നാളെ രാവിലെ 9 ന് ഉദ്ഘാടനം ചെയ്യും. ഭവന രഹിതര്‍ക്ക് സൗജന്യമായി വീട് നിര്‍മ്മിച്ചു നല്‍കുന്ന പദ്ധതിയാണിത്.ആദ്യ ഭവനത്തിന് തറക്കല്ലിട്ട് യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പദ്ധതിയുടെ ഉദ്ഘാടനം നിര്‍വഹിയ്ക്കും.
മൈക്രോ ഫിനാന്‍സ് പദ്ധതിയില്‍ അംഗങ്ങളായവര്‍ക്കാണ് പദ്ധതിയിലുള്‍പ്പെടുത്തിയാണ് വീട് നിര്‍മ്മിച്ചു നല്‍കുന്നത്. മൂന്ന് ലക്ഷം രൂപ ചിലവില്‍ കോണ്‍ക്രീറ്റ് വീടാണ് നിര്‍മ്മിച്ച് നല്‍കുന്നത്. യൂണിയന്‍ പ്രസിഡന്റ് എസ്.സലികുമാര്‍, സെക്രട്ടറി എന്‍.അശോകന്‍, യോഗം ബോര്‍ഡ് മെമ്പര്‍ എം.കെ.ശ്രീനിവാസന്‍ ,യൂണിയന്‍ കൗണ്‍സിലര്‍മാരായ അഡ്വ.യു.ചന്ദ്രബാബു, ഓമനക്കുട്ടന്‍ ഡ്രീം ലാന്റ് എന്നിവര്‍ പദ്ധതികള്‍ വിശദീകരിച്ചു.