കോഴിക്കോട്: മലബാര്‍ ഗ്രൂപ്പിന്റേയും ഗൃഹോപകരണ വ്യാപാരരംഗത്ത് 20 വര്‍ഷത്തിലധികം പാരമ്പര്യമുള്ള നിക്ഷാന്‍ ഇലക്‌ട്രോണിക്‌സിന്റേയും സംയുക്ത സംരംഭമായ 'ഇഹം ഡിജിറ്റലിന്റെ പ്രഥമ ഷോറൂം ഇന്ന് കോഴിക്കോട്ട് സിനിമാതാരം ദുല്‍ക്കര്‍ സല്‍മാന്‍ ഉദ്ഘാടനം ചെയ്യും. വിവിധ ബ്രാന്‍ഡുകളുടെ ഇലക്‌ട്രോണിക്‌സ്, ഗാഡ്ജറ്റ്‌സ്, ഗൃഹോപകരണങ്ങള്‍ എന്നിവയുടെ വിപുലമായ ശേഖരം, മിതമായ വിലയില്‍ മികവുറ്റ വില്‍പനാനന്തര സേവനത്തോടുകൂടി ഒരു കുടക്കീഴില്‍ ലഭ്യമാക്കുകയാണ് പുതിയ സംരംഭം കൊണ്ട് ലക്ഷ്യമിടുന്നത്.
എല്‍.ജി, മിറ്റ്‌സുബിഷി, സോണി, സാംസങ്, പാനസോണിക്, ബോഷ് ആന്‍ഡ് സീമന്‍സ്, ഹയര്‍, ഗോദ്‌റേജ് തുടങ്ങിയ ലോകോത്തര ബ്രാന്‍ഡുകളുടെ വിപുലമായ ശേഖരവും 'ഇഹം ഡിജിറ്റല്‍' ഷോറൂമില്‍ ഉപഭോക്താക്കള്‍ക്കായി ഒരുക്കിയിട്ടുണ്ട്.
എക്സ്റ്റന്റഡ് വാറന്റി, സൗജന്യ ഹോം ഡെലിവറി, അതിവേഗ സര്‍വിസുകള്‍ക്കുള്ള സൗകര്യങ്ങള്‍ എന്നിങ്ങനെ മികച്ച വില്‍പനാനന്തര സേവനങ്ങളാണ് ഇഹം ഡിജിറ്റല്‍ ഉപഭോക്താക്കള്‍ക്കായി വാഗ്ദാനം ചെയ്തിരിക്കുന്നത്.