പെരുമ്പാവൂര്‍: അകനാട് ഗവ. ഹയര്‍ സെക്കണ്ടറി സ്‌കൂളില്‍ റോട്ടറി ക്ലബ്ബ് ഓഫ് കൊച്ചിന്‍ ലോര്‍ഡ്‌സ് സ്‌പോണ്‍സര്‍ ചെയ്ത ലഹരി വിരുദ്ധ ക്ലാസ്സ് കലക്ടര്‍ കെ മുഹമ്മദ് വൈ സഫറുള്ള ഉദ്ഘാടനം ചെയ്തു.
തുടര്‍ന്ന് നേഷന്‍ ബില്‍ഡര്‍ അവാര്‍ഡ് ജേതാക്കളായ പി.എ റഹീം, സി.വി മിജി എന്നിവര്‍ക്കുള്ള പുരസ്‌കാര ദാനം നിര്‍വ്വഹിച്ചു. ചടങ്ങില്‍ സബ്ജില്ലാ പ്രവര്‍ത്തി പരിചയ മേളയിലെ വിജയികളായ ഒ.എസ് അജയ്, അമ്പാടി ശിവന്‍ എന്നിവരെ അഭിനന്ദിച്ച് സംസാരിച്ചു.
വിഷന്‍ 2021 ന്റെ ഭാഗമായി നടന്ന പരിപാടിയില്‍ റോട്ടറി ക്ലബ്ബ് ഓഫ് കൊച്ചിന്‍ ലോര്‍ഡ്‌സ് പ്രസിഡന്റ് സി.സംഗീത് ചെറിയാന്‍ അധ്യക്ഷത വഹിച്ചു.
സ്‌കൂള്‍ ഹെഡ്മിസ്ട്രസ്സ് പി.വി ശ്യാമള, റോട്ടറി ക്ലബ്ബ് അസിസ്റ്റന്റ് ഗവര്‍ണ്ണര്‍ രാജ് മോഹന്‍ നായര്‍, റോട്ടറി ക്ലബ്ബ് സെക്രട്ടറി സുരേഷ് വെങ്കിട്ടരാമന്‍, പരിവര്‍ത്തന്‍ ചെയര്‍മാന്‍ ശ്രീജിത്ത് വാസുദേവന്‍, ആശ്വാസ് പ്രസിഡന്റ്, പി.കെ സത്യന്‍, പി.റ്റി.എ പ്രസിഡന്റ് എ.വി ഏലിയാസ് എന്നിവര്‍ സംസാരിച്ചു.
അഡ്വ. ചാര്‍ളി പോള്‍ നയിച്ച ലഹരി വിരുദ്ധ ക്ലാസ്സ് നയിച്ചു.