പെരുമ്പാവൂര്‍: കൂവപ്പടി ഗ്രാമപഞ്ചായത്തിലെ 10-ാം വാര്‍ഡില്‍ നടക്കാന്‍ പോകുന്ന ഉപതെരഞ്ഞെടുപ്പുമായി ബന്ധപ്പെട്ട് പ്രസ്തുത വാര്‍ഡിലെ കരട് വോട്ടര്‍ പട്ടിക കൂവപ്പടി ഗ്രാമപഞ്ചായത്ത് ഓഫീസിലും, വില്ലേജ്, താലൂക്ക്, ബ്ലോക്ക് ഓഫീസുകളിലും കൂവപ്പടി ഗ്രാമപഞ്ചായത്ത് വെബ്ബ്‌സൈറ്റിലും പ്രസിദ്ധീകരിച്ചിട്ടുണ്ട്. വോട്ടര്‍ പട്ടികയിലെ ഉള്‍ക്കുറിപ്പ് സംബന്ധിച്ച് ആക്ഷേപങ്ങളോ, ഉള്‍ക്കുറിപ്പിലെ സ്ഥാനമാറ്റത്തിന് അപേക്ഷയോ ഉള്ളവര്‍ ഇലക്ഷന്‍ കമ്മീഷന്‍ നിര്‍ദ്ദേശിച്ചിട്ടുള്ള ഫോറത്തില്‍ വരുന്ന 22 വരെ ഉന്നയിക്കാവുന്നതാണെന്ന് കൂവപ്പടി ഗ്രാമപഞ്ചായത്ത് ഇലക്ടറല്‍ റജിസ്‌ട്രേഷന്‍ ഓഫീസര്‍ അറിയിച്ചു.