കോവളം: കെ.എസ്.ആര്‍.ടി.സി ബസിടിച്ച് കാല്‍നടയാത്രികന്‍ മരിച്ചു. തിരുവല്ലം കല്ലറ വീട്ടില്‍ സുധാകരന്‍ നായര്‍ (ബാലന്‍- 58) ആണ് മരിച്ചത്.
ചൊവ്വാഴ്ച രാത്രി എട്ടിന് തിരുവല്ലം പാലം ജങ്ഷനു സമീപത്തായിരുന്നു അപകടം. പാച്ചല്ലൂര്‍ ഭാഗത്ത് നിന്ന് വന്ന ബസാണ് അപകടമുണ്ടാക്കിയത്. നാട്ടുകാര്‍ അറിയിച്ചതനുസരിച്ച് തിരുവല്ലം പൊലിസ് സ്ഥലത്തെത്തി അമ്പലത്തറയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
മൃതദേഹം മെഡിക്കല്‍ കോളജ് മോര്‍ച്ചറിയിലേക്ക് മാറ്റി. ട്രാഫിക് പൊലിസ് കേസെടുത്തു.