ഗൂഡല്ലൂര്‍: കൈക്കൂലി വാങ്ങിയ പൊലിസുകാര്‍ക്ക് സസ്‌പെന്‍ഷന്‍. വാഹന പരിശോധനക്കിടെ വാഹനങ്ങളില്‍ നിന്ന് പണം വാങ്ങുന്നതായുള്ള പരാതിയില്‍ കക്കനഹള്ള ചെക്‌പോസ്റ്റിലെ രണ്ട് പൊലിസുകാരെയാണ്  സസ്‌പെന്‍ഡ് ചെയ്തത്. നീലഗിരി എസ്.പി മുരളിറംബയാണ് ഇവര്‍ക്കെതിരേ നടപടിയെടുത്തത്. എസ്.പിക്ക് ഇതുമായി ബന്ധപ്പെട്ട് പരാതി ലഭിച്ചിരുന്നു. ഇതേത്തുടര്‍ന്നാണ് പൊലിസുകാരായ ഷാജി(42), മണികണ്ഠന്‍(37) എന്നിവരെ സസ്‌പെന്‍ഡ് ചെയ്തത്. മറ്റ് രണ്ട് പൊലിസുകാരെ ഇവിടെ നിന്ന് സ്ഥലംമാറ്റുകയും ചെയ്തിട്ടുണ്ട്. കേരളത്തില്‍ നിന്നും കര്‍ണാടകയില്‍ നിന്നും നീലഗിരിയിലേക്ക് പ്രവേശിക്കുന്ന വാഹനങ്ങളില്‍ നിന്നാണ് ഇവര്‍ പണം ഈടാക്കുന്നത്.