കോറോം: കോറോത്തും പരിസര പ്രദേശങ്ങളിലെയും കടകളിലും വിവിധ സ്ഥാപനങ്ങളിലും മോഷണം നടത്തിയ സംഭവത്തില്‍ രണ്ടു പേര്‍ പൊലിസ് പിടിയിലായി. ഇരിട്ടി സ്വദേശികളായ വിളക്കോട് പേരഞ്ചിവീട് മുബഷീര്‍ എന്ന മുഹ്‌സിന്‍(23), പയഞ്ചേരിമുക്ക് ചെറുവട്ടി അര്‍ഷാദ് എന്ന അച്ചായി(19) എന്നിവരെയാണ് മാനന്തവാടി സി.ഐ ടി.എന്‍ സജീവും സംഘവും അറസ്റ്റ് ചെയ്തത്. ഒക്ടോബര്‍ ഒന്നിനാണ് മോഷണ പരമ്പര അരങ്ങേറിയത്. നിരവില്‍പ്പുഴ ഗാന്ധിഗ്രാം ഷോപ്പ്, തൊട്ടടുത്ത മറ്റൊരു കട, കോറോത്തെ മദ്‌റസ , ഗവ. എല്‍.പി സ്‌കൂള്‍, മാവേലി സ്‌റ്റോര്‍, റേഷന്‍ കട എന്നിവിടങ്ങളില്‍ നിന്നായി ലാപ്‌ടോപ്പ്, മൊബൈല്‍ ഫോണ്‍, റീചാര്‍ജ് കൂപ്പണുകള്‍, പണം തുടങ്ങിയവയാണ് മോഷ്ടിച്ചത്. സൈബര്‍ സെല്ലിന്റെ സഹായത്തോടെ സി.ഐയുടെ പ്രത്യേ കസ്‌ക്വാഡ് നടത്തിയ അന്വേഷണത്തിലാണ് പ്രതികള്‍ വലയിലായത്. പ്രതികളെ പിന്നീട് കോടതിയില്‍ ഹാജരാക്കും.