വാഷിങ്ടണ്‍: അമേരിക്കയുടെ 45ാം പ്രസിഡന്റായി തെരഞ്ഞെടുക്കപ്പെട്ട ഡൊണാള്‍ഡ് ട്രംപിന് വൈറ്റ്ഹൗസിലേക്ക് സ്വാഗതം ചെയ്ത് നിലവിലെ പ്രസിഡന്റ് ബറാക് ഒബാമ. തെരഞ്ഞെടുപ്പില്‍ നമ്മള്‍ ഇരുപക്ഷത്തായിരിക്കാം. എന്നാല്‍, ഇനി അതില്ല. അമേരിക്കന്‍ ജനത തങ്ങളെ നയിക്കാനായി താങ്കളെ തെരഞ്ഞെടുത്തിരിക്കുകയാണ്. താങ്കള്‍ക്ക് വൈറ്റ്ഹൗസിലേക്ക് സ്വാഗതമെന്ന് ഒബാമ പറഞ്ഞു.

വോട്ടെടുപ്പിന് ശേഷം ചൊവ്വാഴ്ചയാണ് ഫലപ്രഖ്യാപനം വന്നത്. റിപ്പബ്ലിക്കന്‍ സ്ഥാനാര്‍ഥിയായ ട്രംപ് ഡെമോക്രാറ്റിക് സ്ഥാനര്‍ഥിയായ ഹിലരി ക്ലിന്റണെ പരാജയപ്പെടുത്തിയാണ് അമേരിക്കന്‍ പ്രസിഡന്റാവുന്നത്. 538 ഇലക്ടറല്‍ വോട്ടുകളില്‍ 289 വോട്ടുകള്‍ കരസ്ഥമാക്കിയാണ് ട്രംപ് വിജയിച്ചത്. ഹിലരി ക്ലിന്റണിനാവട്ടെ 218 വോട്ടുകള്‍ നേടാനെ സാധിച്ചുള്ളൂ.