കൊച്ചി: പ്രമുഖ ബില്‍ഡറായ സ്‌കൈ ലൈനിന് ഐ.എസ്.ഒ 9001 : 2015  സര്‍ട്ടിഫിക്കറ്റ് സ്വന്തമായി.

ഉപഭോക്തൃ താല്‍പര്യങ്ങള്‍ക്ക് അനുസൃതമായി പ്രവര്‍ത്തിച്ചതിന് ലഭിച്ച അന്താരാഷ്ട്ര അംഗീകാരമാണ് ഐ.എസ്.ഒ സര്‍ട്ടിഫിക്കറ്റേഷനെന്ന് സ്‌കൈലൈന്‍ സി.ഇ.ഒ അബ്ദുല്‍ അസീസ് പറഞ്ഞു.

രാജ്യാന്തരതലത്തിലുള്ള അംഗീകൃത ബോജിയായ ബ്യൂറോ വെറിറ്റാസ് സര്‍ട്ടിഫിക്കറ്റേഷന്‍ ജനറല്‍ മാനേജര്‍  ജഗദീഷ് മണിയന്‍ സ്‌കൈ ലൈന്‍ ബില്‍ഡേഴ്‌സ്  വൈസ് പ്രസിഡന്റ് അബ്ദു ഇ.എ യ്ക്ക് ഐ.എസ്.ഒ അംഗീകാരം സംബന്ധിച്ച സര്‍ട്ടിഫിക്കറ്റ് കൈമാറി.

സ്‌കൈ ലൈന്‍ ബില്‍ഡേഴ്‌സ് മാര്‍ക്കറ്റിംഗ് സീനിയര്‍ വൈസ് പ്രസിഡന്റഅ വര്‍ഗീസ് പി.എ യും ചടങ്ങില്‍ സംബന്ധിച്ചു. ക്വാളിറ്റി മാനേജ്‌മെന്റിലെ വിവിധ ഘടകങ്ങള്‍ പരിശോധിച്ച ശേഷമാണ് ഐഎസ്ഒ സര്‍ട്ടിഫിക്കറ്റ് കൈമാറുന്നത്.  

നിര്‍മാണ മേഖലയില്‍ 26 വര്‍ഷം പിന്നിട്ട സ്‌കൈലൈന്‍  2020 അവസാനത്തോടെ 50ലക്ഷം സ്‌ക്വയര്‍ഫിറ്റ് ബില്‍റ്റ് അപ്പ് ഏരിയ കൂടി പൂര്‍ത്തീകരിച്ച് ആകെ രണ്ട് കോടി സ്‌ക്വയര്‍ഫിറ്റ് ഉപഭോക്താക്കള്‍ക്ക് കൈമാറുന്നതിനുള്ള നീക്കത്തിലാണെന്ന് അബ്ദുല്‍ അസീസ് പറഞ്ഞു.

ഇതുവരെയായി കേരളത്തിലെ പത്ത് നഗരങ്ങളിലായി 137 പ്രൊജക്ടുകളാണ് ചെയ്തിരിക്കുന്നത്.