പറവൂര്‍: വടക്കുംപുറം അയ്യപ്പ ഭക്ത ജനസേവാ സമിതിയുടെ ആഭിമുഖ്യത്തില്‍ വടക്കുംപുറം ആശാന്‍ മൈതാനിയില്‍ സംഘടിപ്പിക്കുന്ന ദേശവിളക്ക് മഹോത്സവത്തിന് ഒരുക്കങ്ങള്‍ പൂര്‍ത്തിയായതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 26 നാണ് ദേശവിളക്ക് മഹോത്സവം. ഇതിനു കാല്‍നാട്ടുകര്‍മ്മം 12 ന് രാവിലെ ഏഴിന് മൂത്തകുന്നം എന്‍.കെ സുഗതന്‍ തന്ത്രികളുടെ കാര്‍മ്മികത്വത്തില്‍ നടക്കും. ഗണപതി ഹോമവും മഹാമൃത്യുഞ്ജയഹോമവും അന്നദാനവും ഉണ്ടാകും. 26 ന് പുലര്‍ച്ചെ ഗുരുപൂജ,തുടര്‍ന്ന് പകല്‍പ്പൂരം.
വൈകിട്ട് 5 മണിക്ക് സര്‍വ്വമത സംഗമം ദീപം തെളിക്കല്‍.ആലുവ അദ്വൈദാശ്രമം മഠാധിപതി ശിവസ്വാരൂപാനന്ദ സ്വാമികള്‍,വടക്കുംപുറം ജുമാമസ്ജിദ് ഖത്തീബ് ശാഫി, കൂട്ടുകാട് ചെറുപുഷ്പം പള്ളിവികാരി ഫാ:ബിനു മാത്യു മുക്കത്ത് തുടങ്ങിയവര്‍ സംബന്ധിക്കുമെന്നു ഭാരവാഹികളായ സുതന്‍ വാടപ്പുറം,ഷിനോയ്, കെ.എസ് മനോജ്, കെ.ടി അഖില്‍ എന്നിവര്‍ പറഞ്ഞു.