കൊച്ചി: തൃപ്പൂണിത്തുറ ആയുര്‍വേദ കോളജില്‍ റിസപ്ഷനിസ്റ്റ്, തെറാപ്പിസ്റ്റ്, നഴ്‌സിംഗ് അസിസ്റ്റന്റ് തസ്തികകളില്‍ നിയവിരുദ്ധ നിയമനം നടത്തുന്നതായി ആരോപിച്ച് യൂത്ത് കോണ്‍ഗ്രസ് മുഖ്യമന്ത്രിക്കും ആരോഗ്യമന്ത്രിക്കും പരാതി നല്‍കി.
പൊതു അറിയിപ്പോ പത്രപ്പരസ്യമോ നല്‍കാതെ കോളജിലെ ചില ജീവനക്കാരുടെ ബന്ധുക്കളെ തിരുകിക്കയറ്റാന്‍ നീക്കം നടക്കുന്നതായി ആരോപിച്ച് യൂത്ത് കോണ്‍ഗ്രസ് നിയോജകമണ്ഡലം പ്രസിഡണ്ട് അഫ്‌സല്‍ നമ്പ്യാരത്താണ് പരാതി നല്‍കിയത്. കോളജ് അറ്റന്‍ഡറുടെ ഭാര്യയെ റിസപ്ഷനിസ്റ്റ് ആയി നിയമിച്ചത് അനധികൃതമാണെന്നും ഇത് റദ്ദാക്കണമെന്നും പരാതിയില്‍ ആവശ്യപ്പെട്ടു.
നിയമവിരുദ്ധമായി നിയമനം നടത്തിയവര്‍ക്കെതിരെ നിയമനടപടി സ്വീകരിക്കണമെന്നും യൂത്ത് കോണ്‍ഗ്രസ് ആവശ്യപ്പെട്ടു.
ഒരു മാസം മുന്‍പും ഇത്തരം അനധികൃത നിയമനത്തിന് ശ്രമിച്ചിരുനെങ്കിലും കോണ്‍ഗ്രസ് മണ്ഡലം കമ്മിറ്റിയുടെ ശക്തമായ പ്രതിഷേധത്തെ തുടര്‍ന്ന് നടപടിക്രമങ്ങള്‍ നിര്‍ത്തി വച്ചിരുന്നു. അനധികൃത നിയമന നടപടികള്‍ നിര്‍ത്തിവച്ചില്ലങ്കില്‍ ശക്തമായ പ്രക്ഷോഭവുമായി മുന്നോട്ടു പോകുമെന്ന് യൂത്ത് കോണ്‍ഗ്രസ് മുന്നറിയിപ്പ് നല്‍കി.