മൂവാറ്റുപുഴ: മൂവാറ്റുപുഴയില്‍ നടന്ന എറണാകുളം റവന്യൂ ജില്ലാ സ്‌കൂള്‍ ശാസ്‌ത്രോത്സവത്തില്‍ അങ്കമാലി സബ്ജില്ല 51107 പോയിന്റോടെ ഓവറോള്‍ ചാംപ്യന്‍ഷിപ്പ് നേടി. 46243 പോയിന്റ് നേടി ആലുവ സബ്ജില്ല രണ്ടാം സ്ഥാനത്തെത്തി. 45548 പോയിന്റോടെ നോര്‍ത്ത് പറവൂര്‍ സബ്ജില്ല മൂന്നാമതെത്തി. വിജയികള്‍ക്ക് എല്‍ദോ എബ്രഹാം എംഎല്‍എ സമ്മാനങ്ങള്‍ വിതരണം ചെയ്തു. പ്രവൃത്തി പരിചയമേളയില്‍ 50519പോയിന്റോടെ അങ്കമാലി സബ്ജില്ല ഒന്നാമതും 45813 പോയിന്റോടെ ആലുവ സബ്ജില്ല രണ്ടാം സ്ഥാനവും നേടി.
ശാസ്ത്ര മേളയില്‍ 141പോയിന്റോടെ എറണാകുളം ഒന്നാമതും 135പോയിന്റോടെ നോര്‍ത്ത് പറവൂര്‍ സബ്ജില്ല രണ്ടാം സ്ഥാനവും നേടി. ഗണിത ശാസ്ത്രമേളയില്‍ 251പോയിന്റോടെ എറണാകുളം ഒന്നാമതും 232പോയിന്റോടെ ആലുവ രണ്ടാമതുമെത്തി. സാമൂഹ്യശാസ്ത്ര മേളയില്‍ 126പോയിന്റോടെ അങ്കമാലി ഒന്നാം സ്ഥാനത്തും 124പോയിന്റോടെ എറണാകുളം രണ്ടാമതുമെത്തി.
ഐറ്റി മേളയില്‍ 113പോയിന്റോടെ അങ്കമാലി സബ്ജില്ല ഒന്നാം സ്ഥനവും 103പോയിന്റോടെ പെരുമ്പാവൂര്‍ സബ്ജില്ല രണ്ടാം സ്ഥാനവും നേടി. സെന്റ് അഗസ്റ്റ്യന്‍സ് ഹയര്‍സെക്കണ്ടറി സ്‌കൂളില്‍ നടന്ന സമാപന സമ്മേളനം എല്‍ദോ എബ്രഹാം എംഎല്‍എ ഉദ്ഘാടനം ചെയ്തു. ജില്ലാ പഞ്ചായത്ത് മെമ്പര്‍ എന്‍.അരുണ്‍ അധ്യക്ഷത വഹിച്ചു. ഡി.ഇ.ഒ ടി.വി രമണി, വി.എച്ച്.എസ്.ഇ അസിസ്റ്റന്റ് ഡയറക്ടര്‍ ലിജി ജോസഫ്, സൈമണ്‍ തോമസ്, ജോര്‍ജ്.ടി.എം,ജൂലി ഇട്ടിയക്കാട്ട്, വി.എസ് ധന്യ, അജിത കുമാരി, സംഗീത കെ.എ, സിസ്റ്റര്‍ ആനി മാത്യു, എം.കെ രാജു, എസ് സന്തോഷ് കുമാര്‍, എന്‍ ശങ്കര്‍, കെ.എം നൗഫല്‍, പി.എ കബീര്‍, കെ.എസ് ബിജോയി, ജയ്‌സണ്‍ പി ജോസഫ്, ബിജു വര്‍ഗീസ്, എം.എ ഹംസ, എന്നിവര്‍ പ്രസംഗിച്ചു.