തിരുവനന്തപുരം: വജ്രജൂബിലി വര്‍ഷത്തില്‍ കേരളത്തിന്റെ വികസനത്തിന് പുതിയ അധ്യായം കുറിച്ച് നവകേരള മിഷന് തുടക്കമായി. മിഷന്റെ സംസ്ഥാനതല ഉദ്ഘാടനവും സെമിനാറും നാലാഞ്ചിറ ഗിരിദീപം കണ്‍വന്‍ഷന്‍ സെന്ററില്‍ മുഖ്യമന്ത്രി പിണറായി വിജയന്റെ അധ്യക്ഷതയില്‍ ഗവര്‍ണര്‍ പി.സദാശിവം നിര്‍വഹിച്ചു. ഹരിതകേരളം മിഷന്‍, ലൈഫ് സമ്പൂര്‍ണ പാര്‍പ്പിട സുരക്ഷാ മിഷന്‍, ആര്‍ദ്രം മിഷന്‍, സമഗ്ര വിദ്യാഭ്യാസ നവീകര മിഷന്‍ എന്നിവയാണ് നവകേരള മിഷനില്‍ ഉള്‍പ്പെടുത്തിയിരിക്കുന്നത്. നവകേരളമിഷന്‍ വികസനകാര്യത്തില്‍ മറ്റു സംസ്ഥാനങ്ങള്‍ക്ക് മാതൃകയാണെന്ന് ഗവര്‍ണര്‍ പറഞ്ഞു.