മുഹമ്മ: മുഹമ്മ അയ്യപ്പന്‍ സ്മാരക വായനശാലയുടെയും ഗ്രന്ഥശാലയുടെയും അങ്കമാലി ലിറ്റില്‍ ഫ്‌ലവര്‍ ആശുപത്രിയുടെയും സംയുക്താഭിമുഖ്യത്തില്‍ സൗജന്യ നേത്ര - തിമിര നിര്‍ണയ ക്യാമ്പ് സംഘടിപ്പിച്ചു.
ക്യാംപ് ലൈബ്രറി കൗണ്‍സില്‍ സംസ്ഥാന എക്‌സിക്യൂട്ടീവ് അംഗം എസ്.വാഹിദ് ഉദ്ഘാടനം ചെയ്തു. വായനശാലാ രക്ഷാധികാരി പി.എന്‍.ദാസന്‍ അദ്ധ്യക്ഷനായി.
സ്വാഗത സംഘം ചെയര്‍മാന്‍ കെ.എസ്.ലാലിച്ചന്‍ സ്വാഗതവും കണ്‍വീനര്‍ എന്‍.എസ്.സജിമോന്‍ നന്ദിയും പറഞ്ഞു. ഗ്രാമ പഞ്ചായത്തംഗം പി.എ.സബീന, താലൂക്ക് ലൈബ്രറി കൗണ്‍സില്‍ സെക്രട്ടറി സി.കെ.രതികുമാര്‍, കെ.എസ്.ഹരിദാസ്, എന്നിവര്‍ സംസാരിച്ചു.