ആലപ്പുഴ: പത്തൊമ്പതാമത് സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തിന് നാളെ ആലപ്പുഴയില്‍ തുടക്കമാവും. വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് ഉദ്ഘാടനം ചെയ്യും.
മന്ത്രി ജി. സുധാകരന്‍ അധ്യക്ഷതവഹിക്കും. കെ.സി. വേണുഗോപാല്‍ എം.പി. മുഖ്യപ്രഭാഷണം നടത്തും. എം.എല്‍.എ. മാരായ തോമസ് ചാണ്ടി, എ.എം. ആരിഫ്, കെ.കെ. രാമചന്ദ്രന്‍നായര്‍, മുന്‍സിപ്പല്‍ ചെയര്‍മാന്‍ തോമസ് ജോസഫ്, ഹയര്‍സെക്കണ്ടറി എഡ്യൂക്കേഷന്‍ ഡയറക്ടര്‍ എം.എസ്. ജയ ഐ.എ.എസ്, കെ.പി. നൗഫല്‍, ഡോ. എ.പി. കുട്ടികൃഷ്ണന്‍, ഷേര്‍ളി സിദ്ധകുമാര്‍ തുടങ്ങിയവര്‍ സംസാരിക്കും. സമാപനസമ്മേളനം മന്ത്രി പി. തിലോത്തമന്‍ ഉദ്ഘാടനം ചെയ്യും.
പ്രതിപക്ഷ നേതാവ് രമേശ് ചെന്നിത്തല അധ്യക്ഷതവഹിക്കും. യു. പ്രതിഭാഹരി സമ്മാനദാനം നിര്‍വഹിക്കും. എ.ഡി.പി.ഐ. ജിമ്മി കെ. ജോസ് സ്വാഗതവും വിദ്യാഭ്യാസ ഉപഡയറക്ടര്‍ വി. അശോകന്‍ നന്ദിയും പറയും.