മലപ്പുറം: ജംഇയ്യത്തുല്‍ മുദരിസീന്‍ ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലാ മുദരിസ് സംഗമം നാളെ മലപ്പുറം സുന്നി മഹലില്‍ നടക്കും. രാവിലെ 9.30ന് എസ്.വൈ.എസ് സംസ്ഥാന ജനറല്‍ സെക്രട്ടറിയും കോഴിക്കോട് ഖാസിയുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. 'കേരളത്തില്‍ ദര്‍സ് നടത്തപ്പെടുന്ന കര്‍മ ശാസ്ത്ര ഗ്രന്ഥങ്ങളിലെ സംശയ നിവാരണം' അബ്ദുല്‍ ലത്തീഫ് ഫൈസി പാതിരമണ്ണ അവതരിപ്പിക്കും. മുദരിസുമാര്‍ക്കുള്ള റിഫ്രഷ് ക്ലാസിന് വാക്കോട് മൊയ്തീന്‍ കുട്ടി ഫൈസി, അസ്ഗറലി ഫൈസി പട്ടിക്കാട്, കാടേരി മുഹമ്മദ് മുസ്‌ലിയാര്‍, ഒ.ടി മൂസ മുസ്‌ലിയാര്‍, മാമ്പുഴ സൈതാലി മുസ്‌ലിയാര്‍, എം.ടി അബൂബക്കര്‍ ദാരിമി, ഗഫൂര്‍ അവന്‍വരി നേതൃത്വം നല്‍കും. ജാമിഅ സമ്മേളത്തോടനുബന്ധിച്ചുള്ള ദര്‍സ് വിദ്യാര്‍ഥി സംഗമം അബ്ദുല്‍ ഖാദിര്‍ ഫൈസി കുന്നുംപുറം വിശദീകരിക്കും.