പാങ്ങ്: പടപ്പറമ്പ് പി.കെ.എച്ച്.എം.എ.എല്‍.പി സ്‌കൂളിലും സ്‌നേഹപൂര്‍വം സുപ്രഭാതം പദ്ധതിക്കു തുടക്കമായി. പാങ്ങ് റെയ്ഞ്ച് ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ പടപ്പറമ്പിലെ റോയല്‍ സ്റ്റീല്‍സിന്റെ സഹകരണത്തോടെയാണ് പദ്ധതി നടപ്പാക്കിയത്. റോയല്‍ സ്റ്റീല്‍സ് എം.ഡി വി.സി മുജീബ് സ്‌കൂള്‍ ലീഡര്‍ മുഹമ്മദ് സിയാദിന് കോപ്പി നല്‍കി ഉദ്ഘാടനം ചെയ്തു. എ.പി അബ്ദുല്‍ അസീസ് ദാരിമി അധ്യക്ഷനായി. എം.ടി.എ നാസര്‍ ഫൈസി, സയ്യിദ് വി.ടി.എസ് നൂറുദ്ദീന്‍ തങ്ങള്‍, കെ.അലി റഹ്മാനി, കെ.ടി സജീര്‍ , പി. ഉനൈസ്, പി.ടി.എ പ്രസിഡന്റ് റഷീദ്, സ്‌കൂള്‍ അധ്യാപകരും വിദ്യാര്‍ഥികളും സംബന്ധിച്ചു.