.

ചങ്ങരംകുളം: ഒതളൂര്‍ പൂഴിക്കോളില്‍ വെള്ളം വറ്റിയിട്ടും വിത്ത് എത്താത്തത് കര്‍ഷകരെ ഇരട്ടി ദുരിതത്തിലാക്കുന്നു.
ഒരു മാസം മുമ്പ് വിത്തിനായി അതോറിറ്റിയെ സമീപിച്ചിരുന്നെങ്കിലും വിത്ത് വിതരണം ചെയ്തിട്ടില്ല. വെള്ളം വറ്റി പാടങ്ങളെല്ലാം കൃഷിക്കായി ഒരുങ്ങിയിരിക്കുകയാണ്. മുന്‍ കാലങ്ങളില്‍ വിത്ത് ആവശ്യപ്പെട്ടാല്‍ ഉടന്‍ ലഭിച്ചിരുന്നു.
വൈകി കൃഷി ആരംഭിച്ചാല്‍ കൃഷി നാശം സംഭവിക്കുമെന്ന ആശങ്ക കര്‍ഷര്‍ക്കുണ്ട്. ഉയര്‍ന്ന ഭാഗമായതിനാല്‍ നേരത്തെ കൃഷിയിറക്കിയില്ലെങ്കില്‍ ജലക്ഷാമം ഉണ്ടാകാനിടയുണ്ട്. അധികൃതരുടെ അനാസ്ഥയാണ് വിത്ത് കിട്ടാന്‍ വൈകുന്നതെന്ന് കര്‍ഷകര്‍ ആരോപിച്ചു. എത്രയും പെട്ടെന്ന് തുടര്‍ നടപടികള്‍ എടുക്കണമെന്നും കര്‍ഷകര്‍ ആവശ്യപ്പെട്ടു.