താനൂര്‍: താനൂര്‍ കുന്നുംപുറം ശിവക്ഷേത്രത്തിനു സമീപം ശക്തമായ കാറ്റില്‍ മാളിക വീടിനു മുകളിലേക്കു തെങ്ങു വീണു. ബേബിയുടെ വീടിനു മുകളിലാണു തെങ്ങു വീണത്. വീടിനു ചേര്‍ന്നുനില്‍ക്കുന്ന വലിയ ചെമ്പന്‍തെങ്ങ് കാറ്റില്‍ ആടി മുറിഞ്ഞ്‌വീഴുകയായിരുന്നു. വീട്ടില്‍ ആരുമില്ലാത്ത സമയത്തായതിനാല്‍ വന്‍ അപകടമാണു ഒഴിവായത്.
വീഴ്ച്ചയില്‍ വീട് പൂര്‍ണമായും തകര്‍ന്നു. വില്ലേജ് ഓഫിസ് അധികൃതരും മുനിസിപ്പല്‍ അധികൃതരും സ്ഥലം സന്ദര്‍ശിച്ചു. നാലു ലക്ഷം രൂപയുടെ നഷ്ടമുണ്ടായതായി കണക്കാക്കുന്നു.