പൊന്നാനി: സമാധാനത്തിന്റെ സന്ദേശവുമായി പൊന്നാനി ലയണ്‍സ് ക്ലബ് സംഘടിപ്പിച്ച സമാധാന പോസ്റ്റര്‍ രചനാ മത്സരത്തില്‍ വിദ്യാര്‍ഥികള്‍ അക്രമത്തിനെതിരേ നിറക്കൂട്ടുകള്‍ കൊണ്ട ്പ്രതികരിച്ചു. സാധാരണ നടന്നുവരാറുള്ള ചിത്രരചനാ മത്സരങ്ങളില്‍ നിന്നു വ്യത്യസ്തമായി സംഘടിപ്പിച്ച പോസ്റ്റര്‍ രചനാ മത്സരം വിദ്യാര്‍ഥികള്‍ക്ക് പുതയ അനുഭവമായി.
വിജയകോളജില്‍ നടന്ന മത്സരം ചിത്രകാരി ആലിസ് ജോസഫ് ചിത്രം വരച്ച് ഉദ്ഘാടനം ചെയ്തു. ലയണ്‍സ് പ്രസിഡന്റ് ഐ.പി നൗഷാദ് അധ്യക്ഷനായി. ലയണ്‍സ് പ്രോഗ്രാം ഡയറക്ടര്‍ മുഹമ്മദ് പൊന്നാനി, ഡിസ്ട്രിക്ട് ചെയര്‍മാന്‍ കെ വേണു, പി നാരായണന്‍, ടി അബ്ദുല്‍ ഹക്കീം, വൈസ്‌മെന്‍ അഡ്വ. ജിസന്‍ പി ജോസ് സംസാരിച്ചു.