കോഴിക്കോട്: കേരപുര പ്രൊഡക്ട്‌സ് പ്രൈവറ്റ് ലിമിറ്റഡിന്റെ പുതിയ സംരംഭമായ റോബസ്റ്റ് പ്യുര്‍ കോക്കനട്ട് ഓയില്‍ വിപണിയിലെത്തിയതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. കര്‍ഷകരില്‍ നിന്ന് നേരിട്ടു സംഭരിക്കുന്ന നാളികേരം പാരമ്പര്യ രീതിയില്‍ സംസ്‌കരിച്ച് തയാറാക്കുന്ന റോബസ്റ്റ് പ്യുര്‍ കോക്കനട്ട് ഓയില്‍ യാതൊരു മായവും കലരാത്തതാണെന്നും ഭാരവാഹികള്‍ പറഞ്ഞു.
ഇടനിലക്കാരില്ലാതെ കര്‍ഷകരില്‍ നിന്ന് നാളികേരം നേരിട്ട് സംഭരിച്ചാണ് ഓയില്‍ നിര്‍മിക്കുന്നത്. തിരഞ്ഞെടുത്ത നാളികേരം കമ്പനിയുടെ സ്വന്തം നിര്‍മാണശാലയില്‍ സൂക്ഷ്മതയോടെ സൂര്യപ്രകാശത്തില്‍ നേരിട്ട് ഉണക്കി പോഷകമൂല്യം നഷ്ടപ്പെടുത്താതെയാണ് കോക്കനട്ട് ഓയിലാക്കി ഉപഭോക്താക്കളില്‍ എത്തിക്കുന്നത്. മാനേജിങ് ഡയറക്ടര്‍ സമീറാ റഹ്മാന്‍, അര്‍ഷിദ് റഹ്മാന്‍ വാര്‍ത്താസമ്മേളനത്തില്‍ പങ്കെടുത്തു.