മാനന്തവാടി: ഉപജില്ലാ ശാസ്ത്ര, സാമൂഹ്യ ശാസ്ത്ര, ഗണിത ശാസ്ത്ര, പ്രവൃത്തി പരിചയ, ഐ.ടി മേളക്ക് തുടക്കമായി. മാനന്തവാടി ഗവ: യു.പി സ്‌കൂള്‍, എല്‍.എഫ് യു.പി, മാനന്തവാടി ഗവ: വെക്കേഷനല്‍ ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളിലാണ് മേള നടക്കുന്നത്. മാനന്തവാടി ഉപജില്ലയിലെ 160 സ്‌കൂളുകളില്‍ നിന്നായി 2500 ഓളം വിദ്യാര്‍ഥികളാണ് മേളയില്‍ പങ്കെടുക്കുന്നത്. മൂന്ന് സ്‌കൂളുകളിലായി 210 ഇനങ്ങളിലായാണ് മത്സരം.
പ്രവൃത്തി പരിചയമേള മാനന്തവാടി ജി.യു.പി സ്‌കൂളിലും, സാമൂഹ്യ ശാസ്ത്ര, ഗണിതശാസ്ത്ര മേള എല്‍.എഫ് യു.പി സ്‌കൂളിലും, ഐ.ടി മേള മാന്തവാടി ഗവ.ജി.എച്ച് എസ്.എസിലുമാണ് നടക്കുന്നത്. മേള നാളെ സമാപിക്കും.
മാനന്തവാടി ബ്ലോക്ക് പഞ്ചായത്ത് പ്രസിഡന്റ് പ്രീത രാമന്‍ മേള ഉദ്ഘാടനം ചെയ്തു. പി.ടി ബിജു അധ്യക്ഷനായി. കടവത്ത് മുഹമ്മദ്, ശോഭരാജന്‍, ജേക്കബ് സെബാസ്റ്റ്യാന്‍, കെ.വി ജുബൈര്‍, എം മുരളിധരന്‍ എന്നിവര്‍ സംസാരിച്ചു. ഉപജില്ലാ വിദ്യാഭ്യാസ ഓഫിസര്‍ കെ രമേശ് പതാക ഉയര്‍ത്തി. നാളെ നടക്കുന്ന സമാപന സമ്മേളനം ഒ.ആര്‍ കേളു എം.എല്‍.എ ഉദ്ഘാടനം ചെയ്യും. നഗരസഭാധ്യക്ഷന്‍ വി.ആര്‍ പ്രവിജ് അധ്യക്ഷനാകും.