കുന്നൂര്‍: കുന്നൂരില്‍ ലക്ഷങ്ങള്‍ വിലവരുന്ന പഞ്ചലോഹ വിഗ്രഹം പിടികൂടി. നഗരത്തിലെ പഴയ സാധനങ്ങള്‍ എടുക്കുന്ന കടയില്‍ നിന്നാണ് വിഗ്രഹം പിടിച്ചെടുത്തത്. കടയില്‍ വിഗ്രഹം സൂക്ഷിച്ചിട്ടുണ്ടെന്ന് എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ഡിവൈ.എസ്.പി മുത്തമിഴ്, കുന്നൂര്‍ ആര്‍.ഡി.ഒ ഗീതാപ്രിയ എന്നിവരുടെ നേതൃത്വത്തിലുള്ള സംഘം കടയിലെത്തി പരിശോധന നടത്തിയാണ് വിഗ്രഹം കണ്ടെടുത്തത്. മൂന്ന് അടി ഉയരവും 50 കിലോ തൂക്കവും വരുന്ന വിഗ്രഹമാണ് പിടികൂടിയത്. വിഗ്രഹത്തിന് 100 വര്‍ഷത്തെ പഴക്കമുണ്ട്. വിദേശ യുവതി തനിക്ക് നല്‍കിയതാണ് ഇതെന്നാണ് കടയുടമ പൊലിസിനോട് പറഞ്ഞത്. എന്നാല്‍ നല്‍കിയതിനും വാങ്ങിയതിനും മതിയായ രേഖകള്‍ ഇയാളുടെ കൈവശമില്ല. പൊലിസ് അന്വേഷണം ആരംഭിച്ചിട്ടുണ്ട്.