ന്യൂയോര്‍ക്ക്: കനേഡിയന്‍ ഗായകനും ഗാനരചയിതാവും കവിയും എഴുത്തുകാരനുമായ ലിയോനാര്‍ഡ് കോഹന്‍ അന്തരിച്ചു. 82 വയസായിരുന്നു. കോഹന്റെ ഔദ്യോഗിക ഫേസ്ബുക്ക് പേജിലൂടെയാണു വിവരം പുറത്തുവന്നത്. നിര്യാണത്തില്‍ പ്രധാനമന്ത്രി ജസ്റ്റിന്‍ ട്രഡ്യു അനുശോചിച്ചു. കാനഡയിലെ ക്യുബെക്കിലാണു കോഹന്‍ ജനിച്ചത്. അവസാന നാളുകളില്‍ കാലിഫോര്‍ണിയയിലായിരുന്നു ജീവിച്ചത്. 'ഹിറ്റ്‌ലര്‍ക്കുള്ള പൂക്കള്‍' എന്ന കവിതാ സമാഹാരം എറെ ശ്രദ്ധേയമാണ്. ഹലെലൂയ, സൂസെന്‍, ഡാന്‍സ് മീ റ്റു ദി എന്‍ഡ് ഓഫ് ലൈഫ്, ബേര്‍ഡ് ഓണ്‍ ദ വൈര്‍, ചെല്‍സീ ഹോട്ടെല്‍, ഫെയ്മസ് ബ്ലൂ റെയിന്‍ കോട് എന്നീ ഗാനങ്ങള്‍ പ്രസിദ്ധമാണ്.
അദ്ദേഹത്തിന്റെ നാടോടി സംഗീതശൈലി ഏവരെയും ആകര്‍ഷിച്ചു.  യൂ വാണ്ട് ഇറ്റ് ഡാര്‍ക്കര്‍ ആയിരുന്നു എറ്റവു പുതിയതും അവസാനത്തേതുമായ ആല്‍ബം. ഈ വര്‍ഷം ഒക്ടോബര്‍ 21 നാണ് അവസാനത്തെ ആല്‍ബം പുറത്തിറങ്ങിയത്. 14 ആല്‍ബങ്ങളാണു കോഹന്റെതായി പുറത്തു വന്നിട്ടുള്ളത്.