കാസര്‍കോട്: സംസ്ഥാനതല ബധിര ക്രിക്കറ്റു ചാംപ്യന്‍ഷിപ്പ് ജനുവരി 13 മുതല്‍ വിദ്യാനഗര്‍ മുനിസിപ്പല്‍ സ്റ്റേഡിയത്തിലും കാസര്‍കോട് ഗവ.കോളജ് ഗ്രൗണ്ടിലുമായി നടക്കും. സംഘാടക സമിതി രൂപീകരണ യോഗം സ്‌പോര്‍ട്‌സ് കൗണ്‍സില്‍ പ്രസിഡന്റ് എന്‍.എ സുലൈമാന്‍ ഉദ്ഘാടനം ചെയ്തു. ബധിര അസോസിയേഷന്‍ പ്രസിഡന്റ് പവിത്രന്‍ അധ്യക്ഷനായി. എ.ആര്‍ ക്യാംപ് എസ്.ഐ കെ.ജെ ജേക്കബ്, കാസര്‍കോട് ഗവ. കോളജ് അസി.പ്രൊഫസര്‍ എം.സി രാജു, കെ.ടി ജോഷി മോന്‍, മധു സംസാരിച്ചു.