കോവളം: ആഗോള പാലിയേറ്റേവ് വിദഗ്ധന്‍ റോബര്‍ട്ട് ടൈ്വക്രോസ് തലസ്ഥാനത്ത്. സാന്ത്വന ചികിത്സയിലൂടെ വേദനിക്കുന്നവര്‍ക്ക് തണല്‍ വിരിക്കുന്ന പാലിയേറ്റീവ് പ്രസ്ഥാനങ്ങള്‍ക്ക് കരുത്ത് പകര്‍ന്നാണ് ഡോക്ടര്‍ റോബര്‍ട്ട് ടൈ്വക്രോസ് എത്തിയത്.
വെള്ളിയാഴ്ച ടിപ്‌സിയുടെ നേതൃത്വത്തില്‍ സംഘടിപ്പിച്ച പാലിയേറ്റീവ് വോളന്റിയര്‍മാരുടെ സംഗമത്തിലെ വിശിഷ്ടാതിഥിയായാണ് അദേഹം. രോഗികളെ ശാക്തീകരിക്കുന്നതും അവര്‍ക്ക് ആശ്രയവും പ്രതീക്ഷയും പാലിയേറ്റീവ് പ്രസ്ഥാനങ്ങളാണെന്ന് അദേഹം പറഞ്ഞു. പരസ്പര ആശയ വിനിമയം അവര്‍ക്ക് കരുത്ത് പകരും. രോഗിയെ പുഞ്ചിരിയോടെ സമീപിക്കുന്നതോടൊപ്പം ഭീതിയും ആകാംക്ഷയും പങ്കുവെക്കാന്‍ സഹായിക്കണമെന്നും അദേഹം പറഞ്ഞു. ജില്ലാ പഞ്ചായത്ത് ഹാളില്‍ നടന്ന സംഗമം ജില്ലാ പഞ്ചായത്ത് പ്രസിഡന്റ് വി.കെ മധു ഉദ്ഘാടനം ചെയ്തു. പ്രസിഡന്റ് ഡോക്ടര്‍ ജോണ്‍സണ്‍ അധ്യക്ഷനായ ചടങ്ങില്‍ സെക്രട്ടറി ആര്‍.എസ് ശ്രീകുമാര്‍ സ്വാഗതം പറഞ്ഞു. പാലിയം ഇന്ത്യ മേധാവി ഡോക്ടര്‍ എം.ആര്‍ രാജഗോപാല്‍, ഐ.എ.പി.സി സംസ്ഥാന ജനറല്‍ സെക്രട്ടറി നാരായണന്‍, നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ ശ്രീകുമാര്‍, രക്ഷാധികാരികളായ ഫാദര്‍ ജസ്റ്റ്റ്റിന്‍, വിജയകുമാരന്‍ നായര്‍, ഷീല എബ്രഹാം, വിനേഷ്, സന്ദീപ് എന്നിവര്‍ പങ്കെടുത്തു.