തൊടുപുഴ:  യു.എസ്.എയിലെ സര്‍ജിക്കല്‍ വളണ്ടിയേഴ്‌സ് ഇന്റര്‍ നാഷണലുാമയി ചേര്‍ന്ന് മുതലക്കോടം ഹോളിഫാമിലി ആശുപത്രിയില്‍ സൗജന്യശസ്ത്രക്രിയാ ക്യാംപ് സംഘടിപ്പിക്കുമെന്ന് അധികൃതര്‍ വാര്‍ത്താസമ്മേളനത്തില്‍ അറിയിച്ചു.
വിദഗ്ധ ഡോക്ടര്‍മാരുടെ നേതൃത്വത്തില്‍ അടുത്ത വര്‍ഷം ജൂണ്‍ 30 മുതല്‍ ജൂലൈ ഏഴുവരെയായിരിക്കും ക്യാംപ്. പ്രോസ്‌റ്റേറ്റ്, മൂത്രാശയ കല്ല്, ഹെര്‍ണിയ, മുച്ചുണ്ട്, ഉള്‍നാക്ക്, യൂട്രസ് നീക്കം ചെയ്യല്‍, തിമിരം എന്നിവയ്ക്കുള്ള ശസ്ത്രക്രിയകളാണ് ലഭ്യമാക്കുക.  
പ്രായപരിധിയില്ല. സര്‍ജറിയും ആവശ്യമായ മരുന്നുകളും സൗജന്യമായിരിക്കും.
ഓരോ വിഭാഗത്തിലും ആദ്യം രജിസ്റ്റര്‍ ചെയ്യുന്ന അര്‍ഹരായ 50 പേര്‍ക്കായിരിക്കും ആനുകൂല്യം ലഭിക്കുക. ഡിസംബര്‍ 25 വരെയാണ് രജിസ്‌ട്രേഷന്‍. കൂടുതല്‍ വിവരങ്ങള്‍ക്ക് 7558081878, 8111960816, 8089162196 എന്നീ ഫോണ്‍നമ്പരുകളില്‍ ബന്ധപ്പെടണം. ആശുപത്രി അഡ്മിനിസ്‌ട്രേറ്റര്‍ സിസ്റ്റര്‍ ഡോ. ജോണ്‍സി മരിയ എസ്എച്ച്, അസിസ്റ്റന്റ് അഡ്മിനിസ്‌ട്രേറ്റര്‍ സിസ്റ്റര്‍ ഡോ. ആശാമരിയ എസ്എച്ച്, ജോഷി കെ തോമസ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.