തൊടുപുഴ:  ബാങ്ക് എംപ്ലോയിസ് ഫെഡറേഷന്‍ ഓഫ് ഇന്ത്യ(ബെഫി) സംസ്ഥാന സമ്മേളനത്തിനു തൊടുപുഴയില്‍ തുടക്കമായി. തൊടുപുഴ മുനിസിപ്പല്‍ മൈതാനത്തു ചേര്‍ന്ന പൊതുസമ്മേളനം മന്ത്രി പ്രൊഫ. സി രവീന്ദ്രനാഥ് ഉദ്ഘാടനം ചെയ്തു.  ബെഫി സംസ്ഥാന പ്രസിഡന്റ് പി.വി ജോസ് അധ്യക്ഷനായി. സി.പി.എം ജില്ലാ സെക്രട്ടറി കെ.കെ ജയചന്ദ്രന്‍, വിവിധ സര്‍വീസ് സംഘടനാ നേതാക്കളായ പി.എച്ച്.എം ഇസ്മയില്‍(എഫ്.എസ്.ഇ.ടി.ഒ), പി.വി രാജേന്ദ്രന്‍(കോണ്‍ഫെഡറേഷന്‍ ഓഫ് സെന്‍ട്രല്‍ ഗവ. എംപ്ലോയീസ്), പി.പി കൃഷ്ണന്‍(എല്‍.ഐ.സി.ഇ.യു), എ.വി കുര്യാക്കോസ്(ബി.എസ്.എന്‍.എല്‍.ഇ.യു) എന്നിവര്‍ സംസാരിച്ചു.
സമ്മേളനത്തിനു തുടക്കം കുറിച്ചു സംസ്ഥാന പ്രസിഡന്റ് പി.വി ജോസ് പതാക ഉയര്‍ത്തി. എസ്.എസ് അനില്‍  രക്തസാക്ഷി പ്രമേയവും വൈസ് പ്രസിഡന്റ് എന്‍.എല്‍ പ്രേമലത അനുശോചന പ്രമേയവും അവതരിപ്പിച്ചു