കോഴിക്കോട്: വര്‍ഷംതോറും നടത്തിവരുന്ന രേവതിപട്ടത്താനം കോഴിക്കോട് തളി സാമൂതിരി ഗുരുവായൂരപ്പന്‍ ഹാളില്‍ നടന്നു. തളി ക്ഷേത്രത്തിലെ വൈദിക കര്‍മങ്ങള്‍ക്കുശേഷം സംസ്ഥാന നിയമസഭാ സ്പീക്കര്‍ പി. ശ്രീരാമകൃഷ്ണന്‍ പരിപാടിയുടെ ഉദ്ഘാടനം നിര്‍വഹിച്ചു. വേദിയില്‍ മനോരമ തമ്പുരാട്ടി പുരസ്‌കാരം സാമൂതിരി രാജ ഉണ്ണി അനുജന്‍ തുറവൂര്‍ വിഷ്വംഭരന് സമ്മാനിച്ചു.
പി.സി മുരളി മാധവന്‍ മുഖ്യപ്രഭാഷണം നടത്തി. തുടര്‍ന്ന് വിവിധ വിഷയങ്ങളില്‍ പ്രഭാഷണങ്ങള്‍ നടന്നു. വൈകിട്ട് നടന്ന സമാപന സമ്മേളനത്തില്‍ കോഴിക്കോട് മേയര്‍ തോട്ടത്തില്‍ രവീന്ദ്രന്‍ മുഖ്യാതിഥിയായിരുന്നു. സജീവ് മറോളി, പീതാംബരക്കുറുപ്പ് സംസാരിച്ചു. ബാലകൃഷ്ണന്‍ എറാട്ടി സ്വാഗതവും ടി.ആര്‍ രാമവര്‍മ നന്ദിയും പറഞ്ഞു.