തുറവൂര്‍: ഇന്ത്യയുടെ വിവിധ സംസ്ഥാനങ്ങളില്‍ നടക്കാന്‍ പോകുന്ന തെരഞ്ഞെടുപ്പുകള്‍ മുന്നില്‍ കണ്ടുള്ള  രാഷ്ട്രിയ കളിയാണ് കേന്ദ്രം നടത്തി കൊണ്ടിരിക്കുന്നതെന്ന് എന്‍.സി.പി. സംസ്ഥാന ജനറല്‍ സെക്രട്ടറി സുല്‍ഫിക്കര്‍ മയൂരി പറഞ്ഞു. എന്‍.സി.പി.അരൂര്‍ നിയോജക മണ്ഡലം കണ്‍വെന്‍ഷന്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നിയോജക മണ്ഡലം പ്രസിഡന്റ് ആസഫ് അലി അധ്യക്ഷത വഹിച്ചു. ജില്ലാ പ്രസിഡന്റ് എന്‍.സന്തോഷ് കുമാര്‍, വൈസ് പ്രസിഡന്റ് വി.എന്‍.രവികുമാരന്‍ പിള്ള കെ.കെ പ്രസാദ് എന്നിവര്‍ പ്രസംഗിച്ചു.