തിരുവനന്തപുരം: 500, 1000 രൂപ നോട്ട് അസാധുവാക്കിയതിലൂടെ കേന്ദ്രസര്‍ക്കാര്‍ ജനങ്ങളുടെ നേരെ നടത്തിയത് മിന്നലാക്രമണമാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. രണ്ടു ദിവസം കൂടി കഴിഞ്ഞാല്‍ വിപണിയില്‍ നോട്ടുകള്‍ മാറി ലഭിക്കാത്തതിനാല്‍ നാട്ടില്‍ പട്ടിണിയുണ്ടാകുമെന്നും അദ്ദേഹം പറഞ്ഞു.

നോട്ട് പിന്‍വലിച്ചതിലൂടെ ജനം ബുദ്ധിമുട്ടിലായിട്ടുണ്ട്. എന്നാല്‍, ഈ തീരുമാനം നേരത്തെ ബി.ജെ.പി പ്രവര്‍ത്തകര്‍ അറിഞ്ഞതായി ആരോപണം ഉയര്‍ന്നിട്ടുണ്ട്. അതിനാല്‍ കഴിഞ്ഞ ആറ് മാസത്തിനിടയില്‍ ബി.ജെ.പി നടത്തിയ എല്ലാ സാമ്പത്തിക ഇടപാടുകളും പരിശോധിക്കണമെന്നും കോടിയേരി ആവശ്യപ്പെട്ടു.