പൊന്നാനി: കേന്ദ്ര സര്‍ക്കാരിന്റെ നോട്ട് പിന്‍വലിക്കല്‍ പരിപാടി മദ്യപന്‍മാരെയും ചതിച്ചു. നടപടിയെ തുടര്‍ന്നു സംസ്ഥാനത്തെ മദ്യവില്‍പനയിലും വന്‍ കുറവുണ്ടായി. മദ്യ വില്‍പനയിലൂടെയുള്ള വരുമാനത്തില്‍ പ്രതിദിനം ഒന്‍പതു കോടിയോളം രൂപയുടെ കുറവാണ് ബിവറേജസ് കോര്‍പറേഷന്റെ കണക്കുകള്‍ രേഖപ്പെടുത്തിയത്.
പ്രതിദിനം 29 കോടി രൂപ ശരാശരി വരുമാനമുണ്ടായിരുന്ന ബിവറേജസ് കോര്‍പറേഷനു നിലവില്‍ 20 കോടിയില്‍ താഴെ മാത്രമാണ് ശരാശരി പ്രതിദിന വരുമാനം. ചൊവാഴ്ച രാത്രി 500, 1000 നോട്ടുകള്‍ പിന്‍വലിച്ചതോടെ 18 കോടി രൂപയുടെ വില്‍പനയാണ് ബുധനാഴ്ച നടന്നത്. അതേസമയം, അസാധുവാക്കല്‍ പ്രഖ്യാപനം നടന്ന ചൊവാഴ്ച മദ്യ വില്‍പനയിലൂടെ ബീവറേജസ് കോര്‍പറേഷന്‍ നേടിയത് 29 കോടി രൂപയായിരുന്നു.വ്യാഴാഴ്ച വില്‍പന 20.15 കോടി, വെള്ളിയാഴ്ച 20 കോടി എന്നിങ്ങനെ വരുമാനം കുറയുകയും ചെയ്തു.