പാറശാല: ബൈക്കിനു കുറുകെ നായ ചാടിയതിനെ തുടര്‍ന്നുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന യുവാവ് മരിച്ചു.
പരശുവയ്ക്കല്‍ വില്ലേജില്‍ കോട്ടയ്ക്കകം സന്തോഷ് മന്ദിരത്തില്‍ സന്തോഷ്‌കുമാറിന്റെ മകന്‍ അനു (18) ആണ് മരിച്ചത്. ശനിയാഴ്ച രാവിലെ ആറരക്ക് ഉദിയന്‍കുളങ്ങരയില്‍ വെച്ചായിരുന്നു അപകടം. വീഴ്ചയില്‍ തലയ്ക്ക് ഗുരുതരമായി പരുക്കേറ്റ അനുവിനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരുന്നു. ചികിത്സയിലിരിക്കേ ഇന്നലെ രാവിലെ മരിച്ചു. . മൃതദേഹം ഇന്നലെ മെഡിക്കല്‍ കോളേജ് ആശുപത്രിയില്‍ പോസ്റ്റു മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടു കൊടുത്തു.