ഓച്ചിറ: ക്ഷേത്ര ദര്‍ശനത്തിന് പോയ നാല്‍പത് കാരിയെ തട്ടികൊണ്ടു പോകാന്‍ ശ്രമം.
വവ്വാക്കാവ് സ്വദേശി രാജലക്ഷ്മിയെ ആണ് കഴിഞ്ഞ ദിവസം പുലര്‍ച്ചെ ആറിന് മാരുതി കാറിലെത്തിയ സംഘം തട്ടിക്കൊണ്ടുപോകാന്‍ ശ്രമിച്ചത്. യുവതി ബഹളം വച്ചതിനെ തുടര്‍ന്ന് പരിസരവാസികള്‍ എത്തിയപ്പോഴേക്കും കാറില്‍ വന്നവര്‍ മുങ്ങി.
വിവരം അറിഞ്ഞ് ഓച്ചിറ പൊലിസ് എത്തി തിരച്ചില്‍ നടത്തിയെങ്കിലും കാറ് കണ്ടെത്താന്‍ കഴിഞ്ഞില്ല. ഇത് സംബന്ധിച്ച് ഓച്ചിറ പൊലിസില്‍ പരാതി നല്‍കി.