ശാസ്താംകോട്ട: ശാസ്താംകോട്ട ക്ഷീരവികസന യൂനിറ്റിന്റെ ആഭിമുഖ്യത്തില്‍ സംഘടിപ്പിക്കുന്ന ബ്ലോക്ക് ക്ഷീര സംഗമം ഇന്നും നാളെയും പോരുവഴി കമ്പലടി ക്ഷീരസംഘത്തില്‍ നടക്കും.
ഇന്ന് രാവിലെ എട്ടിന് കന്നുകാലി പ്രദര്‍ശനം. ഒമ്പതിന് ക്ഷീരോല്‍സവം ബ്ലോക്ക് പഞ്ചായത്ത് പ്രസിഡന്റ് എ. സുമ ഉദ്ഘാടനം ചെയ്യും. നാളെ രാവിലെ ഒമ്പതിന് സെമിനാര്‍. 11 ന് പൊതുസമ്മേളനം മൃഗസംരക്ഷണ മന്ത്രി കെ രാജു ഉദ്ഘാടനം ചെയ്യും. കോവൂര്‍ കുഞ്ഞുമോന്‍ എം.എല്‍.എ അധ്യക്ഷനാകും. ക്ഷീരമേഖലയിലെ യുവ സംരഭകരെ കെ സോമപ്രസാദ് എം.പിയും ഗുണനിലവാരമുള്ള പാല്‍ സംഭരിച്ച ക്ഷീരസംഘത്തെ ജില്ലാ പഞ്ചായത്ത് വൈസ് പ്രസിഡന്റ് എം .ശിവശങ്കരപിള്ളയും ആദരിക്കും. കൊടിക്കുന്നില്‍ സുരേഷ് എം.പി മുഖ്യ പ്രഭാഷണം നടത്തും.