വണ്ടിത്താവളം: പെരുമാട്ടി, മുതലമട, പട്ടഞ്ചേരി,കൊല്ലങ്കോട്, എലവഞ്ചേരി, കൊടുവായൂര്‍, പുതുനഗരം, കൊഴിഞ്ഞാമ്പാറ, എരുത്തേമ്പതി, വടകരപതി എന്നിവിടങ്ങളിലെ മാവുകള്‍ പൂക്കാന്‍ തുടങ്ങി. പൂക്കള്‍ വിരിഞ്ഞതോടെ മാവുകളില്‍ കീടനാശിനി ഉപയോഗവും വര്‍ധിച്ചുവരികയാണ്.
എന്റോസോസള്‍ഫാന്‍ മുതല്‍ മീതയില്‍ ഡിമെന്‍ഷന്‍വരെയുള്ള അതി മാരക കിടനാശിനികളാണ് പൂക്കളില്‍ ഉണ്ടാകുന്ന കിടങ്ങള്‍ക്കെതിരേ കര്‍ഷകര്‍ ഉപയോഗിക്കുന്നത്. പ്രൊഫിനോഫോസ്, ട്രിയാസോഫോസ്, മോണോക്രോട്ടോഫോസ്, മീതെയില്‍പാരത്തിയോണ്‍ തുടങ്ങിയ അതിമാരകമായ കീടനാശിനികളും മാവില്‍ ഉണ്ടാകുന്ന കീടങ്ങള്‍ക്കെതിരേ ഉപയോഗിക്കുകയാണ്. കേരളം നിരോധിച്ചതും തമിഴ്‌നാട്ടില്‍ ഉപയോഗിക്കുന്നതുമായ കീടനാശിനികള്‍ക്കുപുറമെ രാജ്യത്താകമാനം നിരോധിച്ച കീടനാശിനികളും ഇവക്കിടയിലുണ്ട്.
കീടനാശിനികളുടെ ഉപയോഗം ഇല്ലാതാക്കുന്നതിനായി കഴിഞ്ഞ രണ്ടു വര്‍ഷത്തിനുമുമ്പ് കൃഷിവകുപ്പ് ചിറ്റൂര്‍ താലൂക്കിലെ പത്തിലധികം പഞ്ചായത്തുകളില്‍ ബോധവല്‍ക്കരണം ശക്തമാക്കിയെങ്കിലും ഇതുവരെ നിരോധിച്ച കീടനാശിനികളുടെ അതിര്‍ത്തികടന്നുള്ള വരവ് അവസാനിപ്പിക്കാനായിട്ടില്ല.
കാലാവസ്ഥ വ്യതിയനം മൂലം മഴ കുറഞ്ഞത് മാവു പൂക്കാന്‍ അനുകൂലമാണെങ്കിലും മഞ്ഞ് വര്‍ധിച്ചത് പൂക്കളില്‍ കീടങ്ങള്‍ വര്‍ധിപ്പിക്കുമെന്നാണ് കര്‍ഷകര്‍ പറയുന്നത്. ഇതിനാലാണ് മാവുകര്‍ഷകര്‍ മുന്‍കൂട്ടിതന്നെ കിടനാശിനികളെ തമിഴനാട്ടില്‍നിനിന്നും വാങ്ങി സംഭരിക്കുവാന്‍ തുടങ്ങിട്ടുള്ളത്.
ചിറ്റൂര്‍, കൊല്ലങ്കോട് ബ്ലോക്ക് പഞ്ചായത്തുകളുടെ പരിധിയിലുള്ള ഗ്രാമപഞ്ചായത്തുകളിലാണ് ഏറ്റവും കൂടുതല്‍ നിരോധിത കീടനാശിനികളെ ഉപയോഗിക്കുന്നത്്. മാവൂകള്‍ പൂര്‍ണമായും പൂക്കുവാന്‍ ഇനിയും ഒരുമാസക്കാലാവധിയുണ്ട്. പൂക്കാനിരിക്കുന്ന മാവുകള്‍ക്കു കൂടിയുള്ള കീടനാശിനി തമിഴ്‌നാട്ടില്‍നിന്നും വാങ്ങി സംഭരിക്കുകയാണ് കര്‍ഷകര്‍.
തമിഴ്‌നാടിനകത്തുള്ള അതിര്‍ത്തിപ്രദേശങ്ങളായ വേലന്താവളം, ഗോപാലപുരം, മാനാക്ഷിപുരം, വണ്ണാമട എന്നിവിടങ്ങളിലെ കീടനാശിനി വില്‍പനകേന്ദ്രങ്ങളില്‍നിന്നാണ് പ്രധാനമായും കേരളത്തിലേക്കു നിരോധിത കീടനാശിനികള്‍ എത്തുന്നത്. കന്നാസുകള്‍ മാറ്റിയും മറച്ചും കേരളത്തിലെത്തിക്കുന്ന കീടനാശിനികള്‍ മാവിന്‍തോട്ടത്തിലെത്തുന്നതിനുമുന്‍പെ ലേബലുകള്‍മാറ്റി 500, 700 ലിറ്റര്‍ പ്ലാസ്റ്റിക്ക് ജലസംഭരണികളില്‍ വെള്ളത്തോടുകൂടി കലര്‍ത്തിയാണ് തോട്ടങ്ങളിലേക്കു കൊണ്ടു പോകുന്നത്്. ഇത്തരത്തില്‍ കൊണ്ടുപോകുന്ന കീടനാശിനികളെ പരിശോധിക്കുവാന്‍ നിലവില്‍ ഒരുസംവിധാവനും ജില്ലയിലില്ലെന്ന് പരിസ്ഥിതി സംഘടനകള്‍ പറയുന്നു. കഴിഞ്ഞ ആഴ്ച്ച കൊഴിഞ്ഞാമ്പാറ പൊലിസിന്റെ വാഹന പരിശോധനയില്‍ നിരോധിച്ച നാലു ടണ്ണിലധികം കീടനാശിനികള്‍ പിടികൂടിയിരുന്നു. മീനാക്ഷിപുരത്തുനിന്നും ജില്ലയിലെ വിവിധ പ്രദേശങ്ങളിലേക്ക് കൊണ്ടുവന്നതെന്നാണ് പ്രാഥമിക അന്വേഷണത്തില്‍ അറിഞ്ഞതെനന് പൊലിസ് പറഞ്ഞത്.
ഇത്രയുമധികം നിരോധിത കീടനാശിനികള്‍ മാവു പൂക്കാന്‍ തുടങ്ങുമ്പോഴേക്കും ജില്ലയിലെത്തുമ്പോള്‍ പൂര്‍ണമായും മാവുകള്‍ പൂത്തുകഴിഞ്ഞാല്‍ കീടനാശിനികളുടെ വരവ്് ഇതിലും അധികമാകുമെന്ന ഭീതിയിലാണ് നാട്ടുകാര്‍. അതിര്‍ത്തികളിലെ വാണിജ്യനികുതി ചെക്ക്‌പോസ്റ്റിനോടുചേര്‍ന്ന് കൃഷിവകുപ്പിന്റെ വാഹന പരിശോധന ആരംഭിക്കുകയും സംശയംതോന്നുന്ന ലേബലില്ലാത്ത കീടനാശിനികളെ ലാബിലേക്കയച്ച് മാതൃകാപരമായി നടപടിയെടുക്കണമെന്നും നാട്ടുകാര്‍ ആവശ്യപെടുന്നു.

സോഷ്യല്‍മീഡിയക്കെതിരേ മന്ത്രി ബാലനും ഫസല്‍ ഗഫൂറും

അഗളി: വാട്‌സ്ആപ്, ഫെയ്‌സ്ബുക്ക് തുടങ്ങിയ നവമാധ്യമങ്ങളുടെ ഇടപെടല്‍ സമൂഹത്തിലെ മൂല്യത്തകര്‍ച്ചക്കു കാരണമാകുന്നതായി സംശയിക്കേണ്ടിവരികയാണെന്ന് മന്ത്രി എ.കെ ബാലനും എം.ഇ.എസ് പ്രസിഡന്റ് ഫസല്‍ഗഫൂറും. അട്ടപ്പാടിയിലെ ഒരു ചടങ്ങില്‍ സംബന്ധിക്കുന്നതിനിടെയാണ് ഇരുവരും ഇക്കാര്യത്തില്‍ തങ്ങളുടെ ആശങ്കകള്‍ പങ്കുവെച്ചത്. സോഷ്യല്‍മീഡിയകളില്‍ ഇടപെടുന്നവരുടെ സദുദ്ധേശത്തെ ചോദ്യം ചോദ്യം ചെയ്യേണ്ടി വരികയാണെന്നും ഇടപെടലുകള്‍ ശ്രദ്ധിക്കിക്കണമെന്നും ഇവര്‍ വ്യക്തമാക്കി.