പട്ടാമ്പി: കേരള കാര്‍ഷിക സര്‍വകലാശാലയുടെ പാലക്കാട് കൃഷി വിജ്ഞാന കേന്ദ്രത്തില്‍ ഹോര്‍ട്ടികള്‍ച്ചര്‍, കാര്‍ഷിക എന്‍ജിനീയറിങ്, വെറ്ററിനറി എന്നിവയില്‍ ബിരുദാനന്ദര ബിരുദമുള്ളവരെ താല്‍ക്കാലികാടിസ്ഥാനത്തില്‍ ടീച്ചിങ് അസിസ്റ്റന്റുമാരായി നിയമിക്കുന്നു. കൂടികാഴ്ച ഈ മാസം 19 ന് രാവിലെ 9.30ന് നടക്കും.

കുടിവെള്ളം തടസപ്പെടും

നെന്മാറ: നിര്‍മാണ പ്രവൃത്തി നടന്നുകൊണ്ടിരിക്കുന്നതിനാല്‍ പോത്തുണ്ടി ശുദ്ധജല പദ്ധതിയില്‍നിന്ന് 14ന് കുടിവെള്ളവിതരണം തടസപ്പെടും. നെന്മാറ, മേലാര്‍കോട്, അയിലൂര്‍ പഞ്ചായത്തുകളെ ഇതു ബാധിക്കും. ഏഴായിരത്തോളം കണക്ഷനുകളാണുള്ളത്. ഡാമില്‍നിന്ന് പൈപ്പുകളിലേക്കു വിതരണം ചെയ്യുന്ന ചെയ്‌നര്‍ സ്ഥാപിക്കുന്ന പ്രവര്‍ത്തനം നടക്കുന്നു. പമ്പ് ഹൗസിലേക്കുള്ള പൈപ്പിടല്‍ പൂര്‍ത്തിയായി. പോത്തുണ്ടി സമഗ്ര കുടിവെള്ളപദ്ധതിയുടെ ആദ്യഘട്ടപ്രവര്‍ത്തനത്തിന്റെ ഭാഗമാണിത്. 11 കോടിയാണ് ചെലവ്.