ന്യൂഡല്‍ഹി: തോല്‍വിയില്‍ ഉഴറി നില്‍ക്കുമ്പോള്‍ ഇര്‍ഫാന്‍ പഠാനെ എന്തുകൊണ്ട് നായകന്‍ മഹേന്ദ്രസിങ് ധോണി കളിപ്പിക്കുന്നില്ലെന്ന് സുനില്‍ ഗവാസ്‌കര്‍. പ്രമുഖ താരങ്ങളുടെ പരുക്ക് കാരണം സീസണില്‍ മോശം ഫോമിലാണ് പൂനെ കളിക്കുന്നത്. പ്ലേ ഓഫ് സാധ്യതകള്‍ അവര്‍ക്കിനിയില്ല.

എന്നിട്ടും ടീമിലുള്ള കഴിവുള്ള താരങ്ങളെ കളിപ്പിക്കാന്‍ ധോണി തയ്യാറായിട്ടില്ല. ഇര്‍ഫാന്റെ കാര്യം തന്നെയെടുക്കാം. കഴിഞ്ഞ സീസണില്‍ ചെന്നൈ സൂപ്പര്‍ കിങ്‌സിലായിരുന്നു. ഇര്‍ഫാന്‍. എന്നാല്‍ താരത്തെ കളിപ്പിക്കാന്‍ ധോണി തയ്യാറായില്ല. ഈ സീസണിലും ഇതേ രീതി തന്നെയാണ് ധോണി തുടരുന്നത്. കടുത്ത വിവേചനമാണ് ഇര്‍ഫാനോട് ധോണി കാട്ടുന്നത്. ക്യാപ്റ്റന്‍ പോലും മോശം ഫോമില്‍ കളിക്കുന്ന ഈ സാഹചര്യത്തില്‍ ഇര്‍ഫാനെ കളിപ്പിക്കാന്‍ ധോണി മനസു കാട്ടണമെന്നും ഗവാസ്‌കര്‍ പറഞ്ഞു.