ന്യൂഡല്‍ഹി: പിന്‍വലിച്ച 500,1000 രൂപ നോട്ടുകള്‍ക്ക് പകരമായി പുതിയ 2000 രൂപാ നോട്ടുകള്‍ ഇന്നോ നാളെയോ ആയി എ.ടി.എമ്മുകളില്‍ ലഭ്യമാകുമെന്ന് കേന്ദ്രസര്‍ക്കാര്‍ അറിയിച്ചു. ഇതിനായി എ.ടി.എമ്മുകള്‍ പുനക്രമീകരിക്കാന്‍ ദൗത്യസംഘത്തെ നിയോഗിക്കും. റിസർവ് ബാങ്കിന്റെ ഡപ്യൂട്ടി ഗവർണറാകും ഈ സേനയുടെ തലവൻ.

രാജ്യത്തുടനീളം എ.ടി.എം ശൃംഖല വർധിപ്പിക്കും. എ.ടി.എമ്മുകളിൽ പണം നിറക്കുന്ന നടപടി ഊർജിതമാക്കും. പോസ്റ്റ് ഓഫിസുകൾക്ക് കൂടുതൽ പണം അനുവദിക്കുമെന്നും സാമ്പത്തികകാര്യ സെക്രട്ടറി ശക്തികാന്ദ ദാസ് അറിയിച്ചു. ഡൽഹിയിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

പണലഭ്യത കുറവിന് അറുതി വരുത്താന്‍ രാജ്യവ്യാപകമായി മൈക്രോ എ.ടി.എം സംവിധാനം നടപ്പിലാക്കുമെന്നും അദ്ദേഹം അറിയിച്ചു.