ലാഹോര്‍: ഐ.പി.എല്‍ മത്സരങ്ങളുടെ അഭാവം പാകിസ്താന്‍ ടീമിന്റെ പരിമിത ഓവര്‍ മത്സരങ്ങളിലെ പ്രകടനത്തെ പിന്നോട്ടടിച്ചെന്ന് കോച്ച് മിക്കി ആര്‍തര്‍. 2009 മുതല്‍ ഇന്ത്യയുമായുള്ള പ്രശ്‌നങ്ങള്‍ കാരണം പാകിസ്താന്‍ താരങ്ങളെ ഐ.പി.എല്ലില്‍ കളിപ്പിക്കാന്‍ ഇന്ത്യ തയാറായാട്ടില്ല. ഇത് ടീമിന് തിരിച്ചടിയാണ്. പ്രാദേശിക ടൂര്‍ണമെന്റുകളില്‍ നിന്ന് പലതും പഠിക്കാന്‍ ടീമംഗങ്ങള്‍ക്ക് സാധിക്കും. പാകിസ്താന്‍ സൂപ്പര്‍ ലീഗൊക്കെ അത്തരത്തില്‍ ടീമിനെ സഹായിക്കും. എന്നാല്‍ ഐ.പി.എല്‍ വലിയ ടൂര്‍ണമെന്റാണ്.

അതില്‍ കളിക്കാന്‍ സാധിക്കാത്തത് ടീമിന് വലിയ തിരിച്ചടിയാണ്. മറ്റു ടീമിലെ താരങ്ങള്‍ ഐ.പി.എല്ലില്‍ കളിച്ച് പരിമിത ഓവര്‍ മത്സരങ്ങളില്‍ നേട്ടമുണ്ടാക്കുമ്പോള്‍ പാകിസ്താന്‍ താരങ്ങള്‍ക്ക് അത്രയേറെ ശോഭിക്കാനാവുന്നില്ല. ഭാവിയില്‍ ഇതിന് മാറ്റം വരുമെന്നാണ് പ്രതീക്ഷയെന്നും ആര്‍തര്‍ പറഞ്ഞു.