പള്ളുരുത്തി: ഇടക്കൊച്ചി സെന്റ് ലോറന്‍സ് സ്‌കൂള്‍ ശതാബ്ദിയുടെ നിറവില്‍. ഒരു വര്‍ഷം നീണ്ടു നില്‍ക്കുന്ന ശതാബ്ദി ആലോഷ പരിപാടികള്‍ പാര്‍ലമെന്റംഗം കെ.വി.തോമസ് ഉദ്ഘാടനം ചെയ്തു. കൊച്ചി രൂപത എഡ്യുക്കേഷണല്‍ എജന്‍സി ജനറല്‍ മാനേജര്‍ ഫാ.ജോപ്പി കൂട്ടുങ്കല്‍ അദ്ധ്യക്ഷത വഹിച്ചു. എം. സ്വരാജ് എം.എല്‍.എ. സ്മാര്‍ട്ട് ക്ലാസ് റൂം ഉദ്ഘാടനം ചെയ്തു. കൊച്ചി രൂപത വികാരി ജനറല്‍ മോണ്‍സിഞ്ഞോര്‍ പീറ്റര്‍ ചടയങ്ങാട് എക്‌സിബിഷന്‍ സെന്റര്‍ ഉദ്ഘാടനം ചെയ്തു.
ജോണ്‍ ഫെര്‍ണാണ്ടസ് എം.എല്‍.എ, കൗണ്‍സിലര്‍മാരായ കെ.ജെ ബേസില്‍, പ്രതിഭ അന്‍സാരി, പി.ടി.എ പ്രസിഡന്റ് സാജിത ഷബീര്‍, ഇടക്കൊച്ചി സലീംകുമാര്‍, ഡോ. ജൂഡ് മാര്‍ട്ടിന്‍ മെന്റസ്, ടി.എ ഡാല്‍ഫിന്‍, ഫാ. ഫ്രാന്‍സിസ് കോതകത്ത്, പ്രധാന അധ്യാപിക മേരി എലിസബത്ത് എന്നിവര്‍ സംസാരിച്ചു.