തുറവൂര്‍: ഡിസംബര്‍ 4ന് ആലപ്പുഴയില്‍ നടക്കുന്ന ലത്തീന്‍ കത്തോലിക്ക സമ്മേളനത്തിന്റെ മുന്നോടിയായിട്ടുള്ള തീംസോങ്ങിന്റെ പ്രകാശനം നടന്നു.
തുറവൂര്‍ മരിയപുരം മോനിക്കാ പള്ളിയില്‍ നടന്ന സമ്മേളനം ജില്ലാ പഞ്ചായത്ത് വൈസ് പ്രസിഡന്റ് ദലീമജോ ജോ ഉദ്ഘാടനം ചെയ്തു. ഐസക്ക് എബ്രഹാം ആഞ്ഞിലിക്കല്‍ ഗാനരചനയും ഫാ.രാജു കാക്കരി സംഗിത സംവിധാനവും നിര്‍വഹിച്ച തീംസോങ്ങിന്റെ പ്രകാശനം എ.എം.ആരീഫ് എം.എല്‍.എ. നിര്‍വഹിച്ചു.
ഫാ. സെലസ്റ്റിന്‍ അധ്യക്ഷനായി. ജില്ല പഞ്ചായത്തംഗം സജിമോന്‍ ഫ്രാന്‍സീസ്, കോടംതുരുത്ത് ഗ്രാമപഞ്ചായത്ത് പ്രസിഡന്റ് സൂസന്‍ സെബാസ്റ്റ്യന്‍ പട്ടണക്കാട്, ബ്ലോക്ക് പഞ്ചായത്തംഗം എന്‍ സജി, കുത്തിയതോട് പഞ്ചായത്തംഗവും കയര്‍ മിത്ര അവാര്‍ഡ് ജേതാവുമായ എം.കെ അബ്ദുള്‍ ഗഫൂര്‍ ഹാജി, ഫാ.രാജു കാക്കരി, ഐസ്‌ക്ക് എബ്രഹാം ആഞ്ഞിലിക്കല്‍, റെജിമോന്‍ ചക്കാലത്തറ, ബിജു ജോസി എന്നിവര്‍ പ്രസംഗിച്ചു. കേന്ദ്ര ഗവര്‍മെന്റിന്റെ കയര്‍ മിത്ര അവാര്‍ഡ് ജേതാവായ എം.കെ അബ്ദുല്‍ ഗഫൂര്‍ ഹാജിയെ സമ്മേളനത്തില്‍ ആദരിച്ചു.