അടിമാലി: 17 മുതല്‍ 20 വരെ അടിമാലി വിശ്വദീപ്തി പബ്ലിക് സ്‌കൂളില്‍ നടക്കുന്ന സംസ്ഥാന സി.ബി.എസ്.ഇ സ്‌കൂള്‍ കലോത്സവത്തിന്റെ ഭാഗമായുള്ള മീഡിയ സെന്ററിന്റെ ഉദ്ഘാടനം ഇടുക്കി പ്രസ് ക്ലബ്ബ് സെക്രട്ടറി വിനോദ് കണ്ണോളി നിര്‍വഹിച്ചു.
സ്‌കൂള്‍ ഓഡിറ്റോറിയത്തില്‍ നടന്ന യോഗത്തില്‍ കലോത്സവ കണ്‍വീനര്‍ ഫാദര്‍ ടോമി നമ്പ്യാപറമ്പില്‍ അധ്യക്ഷത വഹിച്ചു. ഓള്‍ കേരള സി.ബി.എസ്.ഇ സ്‌കൂള്‍ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റ് അഡ്വ. ടി.പി.എം ഇബ്രാഹിംഖാന്‍, കോണ്‍ഫെഡറേഷന്‍ ഓഫ് കേരള സഹോദയ കോംപ്ലക്‌സസ് സെക്രട്ടറി കെ.എ ഫ്രാന്‍സിസ്, ഭാരവാഹികളായ ഡോ. ഇന്ദിര രാജന്‍, എബ്രഹാം തോമസ്, എസ് രവി നമ്പൂതിരി, ജഗന്നാഥന്‍, ബെന്നി ജോര്‍ജ് തുടങ്ങിയവര്‍ പങ്കെടുത്തു.