മുട്ടം: കോടതി കോംപ്ലക്‌സില്‍ നടന്ന ലോക് അദാലത്തില്‍ 2000 കേസുകള്‍ക്ക് തീര്‍പ്പുകല്‍പിച്ചു. 9000 കേസുകളാണ് പരിഗണിച്ചത്.
കുടുംബകേസുകള്‍, ആക്‌സിഡന്റ്, ഇന്‍ഷുറന്‍സ്, പെറ്റികേസുകള്‍ എന്നിങ്ങന്നെ നിരവധി കേസുകള്‍ക്കാണ് തീര്‍പ്പുകല്‍പ്പിച്ചത്. ഇതില്‍ എംഎസിടി കേസില്‍ രണ്ടരക്കോടി രൂപയുടെ ഒത്തുതീര്‍പ്പ് നടത്തി. പെറ്റിയിനത്തില്‍ പതിനാലരലക്ഷം രൂപ വസൂലാക്കി.
നാല്‍പതോളം ന്യായാധിപന്‍മാരുടെ നേതൃത്വത്തില്‍ പതിനഞ്ചോളം ബൂത്തുകളിലായിട്ടാണ് അദാലത്ത് നടത്തിയത്. ജില്ലാ ലീഗല്‍ സര്‍വീസ് അഥോറട്ടി ചെയര്‍മാന്‍ എസ്.ഷാജഹാന്‍, സെക്രട്ടറി ടി.പി പ്രഭാഷ്‌ലാല്‍ എന്നിവര്‍ അദാലത്തിന് നേതൃത്വം നല്‍കി.