ഈരാറ്റുപേട്ട: തീക്കോയി വാഗമണ്‍ റോഡില്‍ സാമൂഹിക വിരുദ്ധ ശല്യം രൂക്ഷമായി. രാത്രിസമയത്ത് വഴിയോരങ്ങളില്‍ വാഹനം നിര്‍ത്തിയിട്ടുള്ള മദ്യപാനവും പതാവാണ്. ഇവര്‍ വഴിയാത്രക്കാരുടെ നേരെയും ചേരി തിരിഞ്ഞും അക്രമം നടത്തുന്നത് പതിവായിരിക്കുകയാണ്.
ഇരുചക്ര വാഹനങ്ങളിലും കാറുകളിലുമായെത്തുന്ന സംഘം പ്രദേശവാസികള്‍ക്ക് ഭീതിയുണര്‍ത്തുതാണ്. കഴിഞ്ഞ ദിവസം വേലത്തുശ്ശേരിയില്‍ ഉണ്‍ായ സംഘര്‍ഷത്തില്‍ രണ്ടു പേര്‍ക്ക് പരുക്കേറ്റിരുന്നു. സന്തോഷ്, ജോയല്‍ എന്നിവര്‍ക്കാണ് പരുക്കേറ്റത്. ഇവര്‍ പാലാ ജനറല്‍ ആശുപത്രിയില്‍ ചികിത്സയിലാണ്. സോഡാക്കുപ്പി ഉപയോഗിച്ചുള്ള അടിയേറ്റാണ് ഇരുവര്‍ക്കും പരുക്കേറ്റത്.
ഈരാറ്റുപേട്ട പൊലിസ് സ്റ്റേഷന്റെ പരിധിയില്‍പ്പെടുന്ന പ്രദേശത്ത് പൊലി്‌സ് എത്തണമെങ്കില്‍ താമസം നേരിടുമെന്നത് സാമൂഹിക വിരുദ്ധര്‍ക്ക് സഹായകരമാണ്. രാത്രികാല ് പരിശോധന പ്രദേശത്ത് കര്‍ശനമാക്കാന്‍ അടിയന്തര നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.