മലപ്പുറം: പകുതി ടിക്കറ്റു പോലും വിറ്റുപോകാത്ത ലോട്ടറി നറുക്കെടുക്കാനുള്ള നീക്കത്തിനെതിരേ മലപ്പുറത്ത് ലോട്ടറി ഏജന്റുമാരുടെ പ്രതിഷേധം. ഇന്നലെ നറുക്കെടുക്കേണ്ടിയിരുന്ന വിറ്റുപോകാത്ത വിന്‍വിന്‍ ലോട്ടറിയുടെ ലക്ഷക്കണക്കിന് രൂപയുടെ ടിക്കറ്റുകളുമായാണ് ലോട്ടറി ഓഫിസിലേക്ക് പ്രതിഷേധത്തിനെത്തിയത്. വിറ്റുപോകാത്ത ധാരാളം ടിക്കറ്റുകള്‍ കെട്ടിക്കിടക്കുമ്പോള്‍ നറുക്കെടുപ്പ് നടത്തുന്നത് ഏജന്റുമാര്‍ക്ക് വന്‍ സാമ്പത്തിക നഷ്ടം ഉണ്ടാകുമെന്നാണ് ഏജന്റുമാര്‍ പറയുന്നത്. ഇതിനെ തുടര്‍ന്ന തിങ്കളാഴ്ചയിലെ നറുക്കെടുപ്പ് മാറ്റുകയായിരുന്നു.