കണ്ണൂര്‍: കറന്‍സിയുടെ ദൗര്‍ലഭ്യം അടിയന്തിരമായി പരിഹരിക്കണമെന്നും തൊഴിലാളികളുടെ ജോലിയും കൂലിയും സംരക്ഷിക്കണമെന്നും ആവശ്യപ്പെട്ട് സി.ഐ.ടി.യു ജില്ലാകമ്മിറ്റിയുടെ ആഭിമുഖ്യത്തില്‍ ഇന്നു തൊഴിലാളികള്‍ ഹെഡ് പോസ്‌റ്റോഫിസ് മാര്‍ച്ച് നടത്തും. രാവിലെ 10ന് കെ.എസ്.ആര്‍.ടി.സി സ്റ്റാന്‍ഡിനു മുന്നില്‍ നിന്നാരംഭിക്കും.

നാടന്‍ കുറികള്‍ നിലച്ചു

കണ്ണൂര്‍: നാടന്‍ കുറികള്‍ നിലച്ചതോടെ ഗ്രാമപ്രദേശങ്ങള്‍ അരക്ഷിതാവസ്ഥയിലായി. പ്രതിമാസം ലക്ഷങ്ങള്‍ കൈമറിയുന്ന കുറികളാണ് നോട്ടുമാറ്റത്തില്‍ കുരുങ്ങിയത്. കുടുംബശ്രീകള്‍, സഹകരണസ്ഥാപനങ്ങള്‍, സാംസ്‌കാരിക സ്ഥാപനങ്ങള്‍, സ്വയംസഹായ സംഘങ്ങള്‍ എന്നിവ നടത്തിവരുന്ന ഗ്രാമീണ സമ്പാദ്യ പദ്ധതികളാണ് നിലച്ചത്. ഇതോടെ വിവാഹം, ഗൃഹപ്രവേശം തുടങ്ങിയ അടിയന്തിരാവശ്യങ്ങള്‍ക്കായി പണം പിന്‍വലിക്കാനിരിക്കുന്നവര്‍ പ്രതിസന്ധിയിലായി.