കാസര്‍കോട്: ഏക സിവില്‍ കോഡിനതിരേ 17 ന് വൈകുന്നേരം കാസര്‍കോട്ട് സംഘടിപ്പിക്കുന്ന ശരീഅത്ത് സംരക്ഷണ റാലിയുടെ പ്രചാരണത്തിന്റെ ഭാഗമായി ജില്ലയില്‍ സമസ്തയുടെയും കീഴ്ഘടകങ്ങളുടെയും കീഴില്‍ വിവിധ പ്രചാരണ പരിപാടികള്‍ സംഘടിപ്പിച്ചു.
ത്വലബ വിങ് ജില്ലാ കമ്മിറ്റിയുടെ കീഴില്‍ ജില്ലയിലെ അറബിക് കോളജ്,  പള്ളി ദര്‍സ് എന്നി സ്ഥാപനങ്ങളിലേക്ക് ബോധനയാത്ര നടത്തി. സയ്യിദ് എന്‍.പി.എം ശറഫുദ്ദീന്‍ തങ്ങള്‍ കുന്നുംകൈ നായകനും, അത്താഹുല്ല ഉപനായകനും, ജില്ലാ ജനറല്‍ കണ്‍വീനര്‍ സലിം ദേളി ഡയറക്ടറും, സിദ്ധീഖ് ഹുദവി കോഡിനേറ്ററുമായ യാത്ര  മാലിക്ക് ദീനാര്‍ മഖാം സിയാറത്തോടെ ആരംഭിച്ചു.
 സമസ്ത ജില്ലാ ജനറല്‍ സെക്രട്ടറി യു.എം അബ്ദുറഹ്മാന്‍ മുസ്്‌ലിയാര്‍ക്ക് പതാക കൈമാറി ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി ഹാരിസ് ദാരിമി അധ്യക്ഷനായി. എം.എ ഖാസിം മുസ്്‌ലിയാര്‍, ഡോ. ഖത്തര്‍ ഇബാഹിം ഹാജി കളനാട്, ഇര്‍ഷാദ് ഹുദവി ബെദിര, അബൂബക്കര്‍ സിദ്ധീഖ് ഹുദവി മണിയൂര്‍, സലിം ദേളി, സയ്യിദ് ജൗഹര്‍ ഹുസൈന്‍ ഹുദവി തുടങ്ങിയ പ്രമുഖര്‍ സംബന്ധിച്ചു.